უპირობო დაბრუნება 14 დღეში
მომხმარებელს უფლება აქვს, ყოველგვარი საფუძვლის მითითების გარეშე, უარი თქვას შეძენილ ტექნიკაზე 14 კალენდარული დღის განმავლობაში.
ვადა აითვლება:
- ნასყიდობის ხელშეკრულების შემთხვევაში — ტექნიკის მომხმარებლის ან მის მიერ განსაზღვრული მესამე პირის (გადამზიდავის გარდა) მფლობელობაში მიღებიდან;
- ტექნიკის ნაწილ-ნაწილ შეკვეთისას — ბოლო ტექნიკის მიღებიდან;
- პერიოდული მიწოდების შემთხვევაში — პირველი ტექნიკის მიღებიდან.
დაბრუნების წესი
- დაბრუნების მოთხოვნა გამოგზავნეთ საიტის საკონტაქტო გვერდით, შეკვეთის ნომრის მითითებით;
- ტექნიკა დააბრუნეთ მოთხოვნის გაგზავნიდან დაუყოვნებლივ, მაგრამ არაუგვიანეს 7 კალენდარული დღისა;
- ტექნიკა უნდა დააბრუნოთ სრულად, ყველა თანდართულ დოკუმენტთან ერთად;
- ტექნიკის დაბრუნების პირდაპირი (უშუალო) ხარჯი მომხმარებელს ეკისრება.
გამონაკლისი: თუ ტექნიკის მახასიათებლები არ შეესაბამება საიტზე მითითებულს, ტექნიკას აქვს თავდაპირველი ნაკლი ან დაზიანდა ტრანსპორტირებისას, დაბრუნების ხარჯს მოვაჭრე ფარავს.
თანხის დაბრუნება
ტექნიკის დაბრუნების შეტყობინების მიღებიდან 14 კალენდარული დღის განმავლობაში კომპანია მომხმარებელს დაუბრუნებს გადახდილ თანხას. თანხა დაბრუნდება იმავე საშუალებით, რომლითაც გადაიხადეთ, გარდა შემთხვევისა, როცა სხვა მეთოდზე შეთანხმდებით.
კომპანია უფლებას იტოვებს, თანხის დაბრუნება გადადოს ტექნიკის მიღებამდე ან დაბრუნების დამადასტურებელი დოკუმენტის მიღებამდე — იმის მიხედვით, რომელი მოხდება უფრო ადრე.
დისტანციურ ხელშეკრულებაზე უარის თქმა ავტომატურად წყვეტს ხელშეკრულებას და აღადგენს პირვანდელ მდგომარეობას.
გამონაკლისი
ყოველგვარი საფუძვლის მითითების გარეშე უარის თქმის უფლება არ ვრცელდება 30 ლარს არ აღემატება ფასის მქონე ტექნიკასა და მომსახურებაზე.
